កម្មវិធីថ្នាក់បណ្ឌិតមានពីរប្រភេទ បណ្ឌិតស្រាវជ្រាវ និងបណ្ឌិតវិជ្ជាជីវៈមានរយៈពេលសិក្សាពីបី(៣) ទៅប្រាំមួយ(៦)ឆ្នាំ សម្រាប់ការសិក្សាពេញម៉ោង និងរហូតដល់ប្រាំបី(៨) ឆ្នាំសម្រាប់ការសិក្សាមិនពេញម៉ោង។ចំនួនក្រេឌីតសិក្សាអប្បបរមា មាន៥៤ក្រេឌីត និងត្រូវរៀបចំឱ្យសមមូលទៅតាមទំហំការងារសិក្សានិងស្រាវជ្រាវ។ការបណ្តុះបណ្តាលថ្នាក់បណ្ឌិត ត្រូវអនុវត្តជាសំខាន់ដោយស្វ័យសិក្សានិងស្រាវជ្រាវដោយមានការកំណត់។

ដើម្បីបន្តការសិក្សាថ្នាក់បណ្ឌិត សិស្ស និស្សិត ត្រូវមានសញ្ញាបត្របរិញ្ញាបត្រជាន់ខ្ពស់ ឬ លិខិតបញ្ជាក់ថាបានបញ្ចប់ដោយជោគជ័យថ្នាក់បរិញ្ញាបត្រជាន់ខ្ពស់ណាមួយ ឬ សញ្ញាបត្រដែលមានតម្លៃស្មើ និងឆ្លងកាត់ការធ្វើតេស្តដែលកំណត់ដោយសាកលវិទ្យាល័យអន្តរជាតិ ឌួវី ទាក់ទងនិងជំនាញដែលខ្លួនបានជ្រើសរើស ។